„პროფესიული განათლების ეროვნული ჯილდოს" კონკურსის მიზანია პროფესიული განათლების პოპულარიზაცია, როგორც ქვეყნის ეკონომიკის გაძლიერების მნიშვნელოვანი კომპონენტის.
პროფესიული განათლების ეროვნული ჯილდო ხელს უწყობს დარგში წარმატებული ორგანიზაციებისა და საგანმანათლებლო პროგრამების წარმოჩენას და ჩართული პირების წარმატებული მაგალითების აღიარებით, ცდილობს პროფესიული განათლების ცნობადობის გაზრდას და რეპუტაციის ამაღლებას.
კონკურსი 2017 წლიდან ხორციელდება გუდავაძე-პატარკაციშვილის ფონდის ფინანსური მხარდაჭერით. 2022 წლის კონკურსის პარტნიორები არიან საქართველოს პარლამენტი და პროფესიული უნარების სააგენტო.
2022 წელს პროფესიული განათლების ეროვნული ჯილდოს კონკურსის ფარგლებში გამოვლინდებიან გამარჯვებულები შემდეგ კატეგორიაში:
- წლის პროფესიული საგანმანათლებლო პროგრამა
- წლის პროფესიული მომზადება - გადამზადების პროგრამა
- წლის პროფესიული განათლების მასწავლებელი
- წლის პროფესიული განათლების სტუდენტი
- წლის პროფესიული განათლების ბიზნეს პარტნიორი
- საქართველოს პარლამენტის სპეციალური ჯილდო - ინკლუზიური პროფესიული განათლების ხელშეწყობა
- პროფესიული უნარების სააგენტოს სპეციალური ჯილდო (შემდეგ ქვე-კატეგორიებში: პროფესიული განათლების წლის საერთაშორისო ინიციატივა, წლის სასწავლო საწარმოს ინსტრუქტორი, წლის რეგიონული მხარდამჭერი, წლის საიმიჯო კამპანია და წლის სამეწარმეო ინიციატივა).
პროფესიული განათლების 2022 წლის ეროვნული ჯილდოსთვის საკონკურსო განაცხადების მიღება შესაძლებელია ფონდის ვებ-გვერდზე https://millennium.org.ge/geo/aplication_122
განაცხადების წარდგენის ბოლო ვადაა 2022 წლის 31 მაისი.
ინფორმაცია წინა წლის კონკურსების შესახებ იხილეთ:
