ათასწლეულის ფონდი პროფესიული განათლების ეროვნული ჯილდოს კონკურსს წელს მეექვსედ აცხადებს.
„პროფესიული განათლების ეროვნული ჯილდოს" კონკურსის მიზანია პროფესიული განათლების პოპულარიზება და დარგში არსებული საუკეთესო გამოცდილების და პრაქტიკის გაცნობა საზოგადოებისთვის.
გამარჯვებულებს დამოუკიდებელი ჟიური ოთხ ძირითად საკონკურსო კატეგორიაში გამოავლენს. ასევე, სპეციალური პრიზები გაიცემა საქართველოს პარლამენტის, პროფესიული უნარების სააგენტოს და საქართველოში ისრაელის საელჩოს მიერ. ჯილდოს მხარდამჭერია საქართველოს განათლების და მეცნიერების სამინისტრო.
პროფესიული განათლების ეროვნული ჯილდოს მხარდამჭერია გუდავაძე - პატარკაციშვილის ფონდი (www.gpf.ge).
2023 წელს პროფესიული განათლების ეროვნული ჯილდოს კონკურსის ფარგლებში გამოვლინდებიან გამარჯვებულები შემდეგ კატეგორიაში:
- წლის პროფესიული საგანმანათლებლო პროგრამა
- წლის პროფესიული განათლების მასწავლებელი
- წლის პროფესიული განათლების სტუდენტი
- წლის პროფესიული განათლების ბიზნეს პარტნიორი
- საქართველოს პარლამენტის სპეციალური ჯილდო - ინკლუზიური პროფესიული განათლების ხელშეწყობა
- პროფესიული უნარების სააგენტოს სპეციალური ჯილდო - წლის სასწავლო საწარმოს ინსტრუქტორი
- საქართველოში ისრაელის საელჩოს სპეციალური პრიზი
პროფესიული განათლების 2023 წლის ეროვნული ჯილდოსთვის საკონკურსო განაცხადების მიღება შესაძლებელია ფონდის ვებ-გვერდზე https://millennium.org.ge/geo/aplication_122
განაცხადების წარდგენის ბოლო ვადაა 2023 წლის 16 ივნისი.
ინფორმაცია წინა წლის კონკურსების შესახებ იხილეთ:
